اخرج من البيبان الحر الضيقة
الكون صابح جميل
والدنيا مروقة
بترشرش ع الولاد
ع الحلم في الحارات
رشت ع البيبان
ع الزحمة في الميدان
رشت ع البنات
ع الكحل ع الحجات
ع الكحك في الصاجات
وقمصان الشقي
اخرج من البيبان
هكذا قال منير .. وهكذا انتهت تلك الليلة بصبح جميل ودنيا مروقة...
انتهيت من دوام الكفار كما نطلق عليه بالعمل في تمام الحادية عشر من مساء الثامن والعشرين من يونيو، بدي طريق العودة هادئا كعادته في مثل تلك الساعة. شق الميكروباص طريقه بطول الكورنيش إلي أن انتهي إلي شارع القصر العيني، وقبيل الولوج إلي ميدان التحرير فوجئنا بأسراب من الأمن المركزي تقطع الطريق إلي الميدان وتصطف في مشهد ليس بغريب علي الذاكرة.
انتهيت من دوام الكفار كما نطلق عليه بالعمل في تمام الحادية عشر من مساء الثامن والعشرين من يونيو، بدي طريق العودة هادئا كعادته في مثل تلك الساعة. شق الميكروباص طريقه بطول الكورنيش إلي أن انتهي إلي شارع القصر العيني، وقبيل الولوج إلي ميدان التحرير فوجئنا بأسراب من الأمن المركزي تقطع الطريق إلي الميدان وتصطف في مشهد ليس بغريب علي الذاكرة.
خوفك مش قدر
وهروبك مش طريق
قلوعك لو ورق
ماتنجيش غريق
طير زي النسور
من النخل للكافور
غوص جوه البحور
وهات اللؤلؤة
اخرج من البيبان
اختلف الناس علي سبب ما جري في ليلة الثامن والعشرين، ولكنهم اتفقوا علي ضرورة الخروج. ذلك المشهد الذي يعيد إلي النفوس احساس بالضيق والنفور هو ما دعي تلك المئات القليلة التي بدأت الاشتباك إلي استنفار الآلاف، وفي دقائق معدودة عاد الميدان إلي سيرته الأولي، عادت الحجارة لتملأ أرض الميدان كما عادت الطلقات النارية والقنابل المسيلة للدموع، عاد المستشفي الميداني، كما عاد الجرحي والدماء، وعادت مع كل ذلك الدعوي للخروج من البيبان الحر الضيقة إلي الصبح الجميل والدنيا المروقة.
كل شيء بيدبل
لوحده في الخريف
عيش سنين شبابك
بقلب مش ضعيف
ده الحلم نار ونور
لو ثار الكون يثور
اضحك وارقص ودور
وافرح باللقا
اخرج من البيبان
بصرف النظر عن الاختلاف حول أسباب ما جري ليلة الثامن والعشرين، وبصرف النظر عن الاختلاف حول ما جري ليلة الثامن والعشرين، ستبقي تلك الليلة في ذاكرة كل من خرجوا من البيبان إلي الميدان، ستبقي مفعمة بروح الحلم بناره ونوره، ستبقي خطوة علي طريق الحرية، وسيبقي الصبح الذي أعقبها جميل، وستغدو الدنيا بعدها مروقة.
بترشرش ع الولاد
ع الحلم في الحارات
رشت ع البيبان
ع الزحمة في الميدان
رشت ع البنات
ع الكحل ع الحجات
ع الكحك في الصاجات
وقمصان الشقي
اخرج من البيبان
محمد عوض
8 اتكلموووووو:
اسلوبك رائع كالعادة
بس انت متجاهل معظم الاحداث بجملة (بغض النظر)
هو مين اللي جمع الناس دي من قدام ماسبيرو والبالون ووداهم التحرير
طيب مين اللي كسر عربيات المواطنين والمحلات
واشمعني ده كله النهاردة بعد حكم المحكمة الادارية بحل المجالس المحلية
وليه الشرطة اشتبكت معاهم النهاردة مع ان مافيش شبر في مصر دلوقت مافيهوش اعتصام او مظاهرة حتى ميدان التحرير اتعمل فيه اعتصامات ومظاهرات كتير وماحدش اعترضهم
طيب ليه النهاردة ؟؟
ملحوظة رفيعة :: لو تقدر تتحكم في تصميم المدونة بتاعتك ابعتلي محتويات ملف الديزاين وانا هاظبطهولك على كل المتصفحات
الملف اسمه
CSS
العواف
منور يااحمد بيه
دي اول مرة تشرفني فيها وماتتخيلش انا مبسوط قد ايه
انا بس مش عارف انت قصدك ايه باللي كسر عربيات المواطنين والمحلات
بس عموما البوادر كلها بتقول ان هايكون في جزء تاني من الثورة
علي كل حال نورت مرة تانية يا ابو ياسين
وعلي فكرة انا بعتلك الملف اللي انت عاوزه علي ميلك بتاع الجوجل
foxxy81@gmail.com
شوف كده وقولي الدنيا فيها ايه
بغض النظر عن كونى من زمرة المتخاذلين النازلين للميادين فى لحظات الأمان والنصر..وقد كان النزول فرض عين على كل واحد من جماعتنا إلى أن نزلت أنت فأصبح فرض كفاية..أقول أن الوطن ليس بالبعيد ولا بالقريب..إنه بمسافة الثورة..أقول قولى هذا وأقرأ الفاتحة للعظيم ناجى العلى صاحب القول والصورة..واستسمح منير فى التصرف
اخرج م البيبان..الحر الضيقة
وانصب فى الميدان..للخاين مشنقة
ثم أحييك وأتمنى اللقاء فى مصر الحرة
محرم
ايه ده بقي يا زيدي بقي
انت بتسجع
ايه يا عم الكلام الكبير ده
اللي يصعب علي امثال فهمه
لا نتكلم بجد بقي
فعل النزول في حد ذاته كفاية يا احمد
حتي لو كان في لحظات الامان بس
وصدقني كل الناس اللي بتكون موجودة في غير لحظات الامان بتكون خايفة جدا في الاول
لكن لما بتشوف اللي مخوفها قد ايه ضعيف
بتكشف سر الشجاعة
انه خوف متداري بشكل كويس
مش علي الناس
لكن علي نفسك
وبالنسبة العظيم ناجي العلي
فانا كمان بقرأ له الفاتحة
ده واحد من الناس اللي بيحركوا الثورات
حتي بعد موتهم
اشوفك في مصر الحرة ان شاء الله
اني احس عندما تكتب انك تكتب بدمك , تأتي بالسكين فتجرح نفسك فيتقاطر دمك في المحبرة حتى تمتلئ , وعندها تتناول ريشتك فتكتب لنا ................
أحييك بالسلام وبعد...........
تكتب فتنجز , وتصور المشهد بكلماتك فنفهم , وتهز بعودك ثنيات قلوبنا فنطرب ونتحمس , ....... وأقول لك قول أحدهم : أنه ليس هناك مايسمى نصف نجاح فاما نجاح كامل او لا نجاح , وهذا يعني ثورة كاملة تنفذ بنودها دون نقصان .
الشرطة الشرطة الشرطة الشرطة بقعة سوداء في مسيرة امتنا بما فعلته من قبائح في حق امتها, فكان تفكبرنا في ازالة سرطانها على النحو الآتي :
1) اعادة هيكليتها .
2) فصل عدد كبير من مفسديها .
3) امدادها بدماء حية جديدة في 3 مستويات :
a) الضباط : 50% من كليات الحقوق و 50% المكملة من جميع الكليات ببرامج تأهيل سريع .
b) الجنود : من المهاهد والتعليم المتوسط , بتدريب سريع .
c) ادخال ضباط من الجيش في القبادات الوسيطة بالجهاز .
4) اعادة تأهيل لاغلب العاملين في الجهاز بعد عملية التطهير المزمعة .
5) الاعتماد في بنية الجهاز على الادارة العلمية .
6) عمل عمليات تقييم نفسي وبدني ...........الخ باستمرار بواسطة خبراء .
7) رفع مرتباتهم .
8)الاعتماد على العلم الاجتماعي والجنائي والتقني والتكنولوجيا في عمل الجهاز لجمع البيانات او في اغراض التحقيق .
9) رئاسته من وزير مدني .:
10) ان يجعلوا قاعدتهم في العمل هو تنفيذ العدلوخدمة الناس , وان يجعلوا أحاديث النبي صلى الله عليه وسلم الآتية في عقولهم وقلوبهم :
ومن علامات الساعه التى اخبر بها نبتنل الكريم صلى الله عليه وسلم اعوان الحكام الظلمه الذين يجلدون الناس بالسياط التي تشبه اذناب البقر من السياط بانواعها الجلديه والكهربائيه والمطاطيه واغصان الشجر وغيرها
فعن أبي أمامة رضي الله عنه أن رسول الله صلر الله عليه وسلم قال:<>(1)
وعن أبي هريرة رضى الله عنه ان الرسول صلى الله عليه وسلم قال <>(2)
وعن ابي هريره رضى الله عنه ان الرسول صلى الله عليه وسلم قال<>(3)
وهذا الحديث وان لم يكن فيه التصريح بانهم يضربون الناس الا ان وضعهم بالسخط واللعنه قد يشير الى كثرة اعتدائهم وظلمهم
(1) رواه احمد
(2) رواه مسلم
(3) رواه مسلم
إنما البكاء بالتباكي والتباكي يستجر البكاء، وقد صح عن النبي صلى الله عليه وسلم قوله: "عينان لا تمسهما النار، عين بكت من خشية الله، وعين باتت تحرس في سبيل الله"[رواه الترمذي بسند حسن عن ابن عباس]. وقال: "لا يلج النار أحد بكى من خشية الله حتى يعود اللبن في الضرع"[رواه الترمذي وأحمد بسند صحيح عن أبي هريرة].
أعتذر على الاطالة والفزلكة بتاعتي بس انتا عارفني ساعات بنسى نفسي ولكل المشاركين اعتذار .
وشكرا لك .................................. ولقاؤنا يتجدد بك .
في البداية حابب احيي الرائع والمبدع اللي لسه عايش بفنه في نفوس الناس اللي بتفهم المبدع ناجي العلي وكمان اختيارك الرائع للصورة بتاعة الميلاد وان شاء الله زي ما كنت بتقول لمحرم يكون ميلاد مصر الحرة بإذن الله في انتظار المخاض الطويل اوي ده بس يارب هييجي ان شاء الله وحابب اقول ان الداخلية هي السبب في كل المصايب اللي بتحصل واللي هتحصل في البلد فهما اللي سرحوا البلطجية والمخدرات واللي ميعرفش كم الفساد اللي في الداخلية وقيادتها يبقى اعمى ولا يستوى الاعمى والبصير وتحياتي لصديقي ابو السييد الشديد وحابب اقوله انته خلتنا ننزف جامد اوي وده تفويض مني للبكباشي عبد الله بالتتعليق على تدوينة جديدة
حبيت اخليكو تشوفو الكلام ده تانى دلوقت مش اكتر 😁😅
Post a Comment