اسمه محمد مسلم
سبحان الله
شوف يا أخي الاشارة
اسمه محمد مسلم
محمد مسلم
محمد مسلم
ممكن تكتب اسمه ع الجوجل
او ع الفيس بوك
او ع اليو تيوب
وكل النتايج اللي هاتجيلك هاتكون عن شخص واحد
محمد مسلم
الشاب المصري اللي تم صلبه علي عمود كهربا
بعد ما تم سحله في شوارع بلدة كترمايا
في لبنان
سيبك بقي من كل التحليلات
وكل الاراء
وكل الاطراف
وكل الاديان
وكل البني ادمييييين
وخليك في الكلاب
الكلاب ولاد الكلاب
لمجرد انهم اشتبهوا فيه
عملوا فيه كل ده
بس في الاول وفي الاخر نرجع ونقول احنا برضه اخوة
الحجات الصغيرة دي ما تأثرش فينا
بتحصل في احسن العائلات يعني
طب والنبي نتنيل علي خيبتنا وخيبة اللي خلفونا
لما نبقي اوسخ شعوب الارض
واغبي شعوب الارض
واهون شعوب الارض
وكلاب الدنيا مطلعة ميتين اهالينا
ونعمل في بعض كده
قال ايه اوصر الود وصلات الرحمة واخدة حدها معانا
لدرجة اننا لازم نقتص من اللي يتعدي علينا او علي حد من دمنا
طب والنبي كنت حسو علي دم اللي خلفكم ولموا الشراميط بتوعكم من الفضائيات
ولا بتبقوا مبسوطين قوي لما هيفا تتلف في علم لبنان وترقص رقصة للمقاومة
لمجرد انهم اشتبهوا فيه
لمجرد انهم اشتبهوا فيه
بلد بحالها مافيهاش واحد يقول حرام
بلد بحالها مافيهاش دين يقول حرام
ده حتي ربنا حرم علينا نعمل كده في الكلاب
بس الحمد لله الحمد لله الحمد لله
بلدنا لسه بخير
الخارجية بتاعتنا الحمد لله بعتت جواب للاخوة في لبنان
وزمانه لسه واصل
السكة بقي والمواصلات انتو عارفين
معالي الوزير احمد ابو الغيط متابع الموضوع بنفسه
زي ما تابع حكاية مروة الشربيني
وزي ما تابع حكاية الدكاترة اللي اتجلدوا في السعودية
وربنا يخليهولنا ويخلي لنا كل الرؤساء والزعماء
انما احنا
احنا ولاد كلب
احنا ولاد كلب
احنا ولاد كلب
بس اذا كنا كلاب
ماهو ماحدش يتعمل فيه كده الا اذا كان كلب
واذا كانوا هما كلاب
ماهو ماحدش يعمل كده الا اذا كان حيوان
يبقي معني كده اننا عايشين في الغابة
صح؟
يبقي معني كده ان اللي بيحكمنا هو قانون الغابة
صح؟
يبقي الراجل العجوز عنده حق
لما قال انه من حقه يقتل اي لبناني يشوفه في البلد
زي ما اللبنانيين قتلوا ابنه
بس الأصح من كده
ان انا كمان من حقي اقتل أي لبناني اشوفه في البلد
ماهو كلب
وانا كلب
وكلنا ولاد كلب
11 اتكلموووووو:
واضح انك منفعل جدا يا سقراط
الأمور ما تتاخدش كده
انا ما بحبش قد لعبكة الأمور
مش بيتهيألي انه من المناسب دلوقت اننا نتكلم عن المقاومة
هي مالهاش دعوة باللي حصل للمصري
اللي حصل ده شيء همجي
وده ما فيهوش كلام
أنا شخصيا ضد تضخيم الموضوع لتصويره على انه من عرب ضد مصري والكلام ده
دي جريمة
عملوها أهل قتيل ضد قاتل
ودي بتحصل حتى عندنا في مصر
صحيح ان الراجل مصري
ولازم الخارجية تحصل على تعويض مناسب
وترضية مناسبة للمصريين
لكن من غير ما نكبر الموضوع ونصوره على انه اعتداء من شعوب الأرض علينا
كفاية اللي حصل ساعة الجزائر
دكتور شمسي
انت شايف انها جريمةعملوها اهل قتيل ضد قاتل
ده اذا اعتبرناه قاتل
هو يا دوب متهم
ولم تتم ادانته خالص
وانا مابتكلمش عنه
ولا عن الجريمة
انا بتكلم عن البني ادميييييين
في بني ادميين بيسحلوا بني ادم زيهم كده
وبيحصل عندنا كمان
انا بصراحة اول مرة اشوف حاجة بالوحشية دي
لو احنا فعلا بالقسوة دي ع القتلة
سايبنهم عايشين في وسطينا ليه بقي لهم ستين سنة
انا متفق معاك ان انا منفعل جدا
ده طبعي ومش عارف اغيره
بس هو يعني الناس اللي اعصابهم باردة كانوا نفعونا بإيه
انا ماليش دعوة بالمقاومة ولا بمصر ولا بلبنان
بس ليا دعوة بنفسي
عاوز احس بالامان
احس بيه ازاي اشوف منظر زي ده
لو انت حاسس بالامان
يبقي انا ميت غلطان
اظرف ما في الموضوع
معلش دخلت شمال علشان البوست يروي حالة الغضب اللي عندي
الأظرف ان النائب بتاع المنطقة دي عن تيار المستقبل بيقول
حتى يلزم كل غريب حدوده
اصل شوية عاوزين يهدونا يقولوا مش غريب ده امه من هناك
وشوية يقولوا دول يعملوا كده في اي واحد منهم مش علشان مصري
بلدة تضم اتناشر الف نسمة
ليس منهم رجل واااااااااااحد رشيد
بلدة كاملة بتزغرد وبتضحك وهي بتصور
ايه السادية دي؟
وفي الأخر يقولوا ده مش علشان مصري
وماله
ادخلي يا نظرية المؤامرة منك لله جحرك قرفتيني
ده مش حادث فردي
ما يشترك به اهل بلدة كاملة بتواطأ مع شرطتها
وبكل مشاعر اللذة
وبدون اكمال تحقيقات او اخضاع متهم لإجراءات متسلسلة
ليس حادث فردي ابدا
تحياتي
طب مهي البلاوي اللي بتحصل كل يوم في الصعيد اضعاف اضاف ده ..
الموضوع ملوهش دخل لا في مقاومه ولا غيره
الواد ده ارتكب جريمه لا يمكن ان يتخيلها العقل البشري وبالتالي استحق العقاب وليس لانه مصري لو لو كان سعودي والا سوري والا اردني والا سوداني كان حصل نفس الحاجه .. يا ريت منكبرش الموضوع اكبر من الازم .. وفضوها سيره بقا .. احنا يوم حماس يوم الجزاير يوم ليبيا يوم لبنان وناسيين الاهم .. احنا حكومتنا بطالب بضربنا بالرصاص في الشارع ازاي تتوقع العالم تحترمنا ..
لازم نركز في اللي جاي ونخلص من حكومة القرف اللي خلت كرامتنا الارض وبعدها نتفرغ للمعارك الخارجيه ..
هانت علينا انفسنا....فهنا على الناس
أستاذة ستيتة
انا كمان رأي من رأيك
ده مش حادث فردي
دي مش مجرد جريمة وبيحصل زيها عندنا
بصرف النظر عن اختلاف ردود أفعالنا
اللي حصل ده له مضمون واضح زي الشمس
ومن السطحية إغفاله بالبساطة دي
أشكرك جدا علي وجودك وتعليقك
كنت اتمني انه يكون في مناسبة احسن
لكن عموما
شرفتيني
Anonymous
مع كامل احترامي ليك ولرأيك
بلاوي ايه اللي بتحصل في الصعيد
انا اتحداك انك تذكر واقعة مماثلة
واقعة واحدة بس
اجتمع فيها اهل بلدة بالكامل واجهزوا علي جثة بني ادم
ومثلوا بيه بعد ما مات وشبع موت
وفي حاجة مهمة جدا
انت بتقول انه ارتكب جريمة
وده كلام مش مظبوط بالمرة
هو مجرد متهم
ولم تثبت إدانته علي الاطلاق
وحتي لما تثبت إدانته
مستحيل ده يكون عقابه
وعلي فكرة كمان الامور مرتبطة ببعضها جدا
لان حكومة القرف اللي انت بتتكلم عنها
هي السبب الاول والرئيسي في اللي حصل
ولو كان الجاني سعودي ولا اردني ولا لبناني ولا حتي صومالي
مستحيل كان يحصل اللي حصل ده
انا شايف انك مبسط الأمور قوي
وهي مش بسيطة خالص
اشكرك علي تعليقك
تحياتي
محمد..خلينى أبقى صريح معاك..رغم عصبيتك فيه كلام وألفاظ ماكانش يصح تقولها فى مدونتك..ندخل بقى فى صلب الموضوع..الواد (اعترف)انه قتل 4 أشخاص..جد وجدة وحفيدتين عندهم 7سنين و9 سنين..تخيل للحظة واحدة ان دول أجدادك واخواتك..كنت هتعمل ايه فى اللى عمل فيهم كده؟..سواء بقى كان مصرى أو لبنانى أو حتى من مدغشقر..وبالنسبة لأن كل القرية اشتركت فى العملة دى فأنا أقسملك بالله ان هو ده بالظبط اللى كان هيحصل هنا لو اتعكس الموقف بالذات فى الصعيد..بشاعة اللى ارتكبوه اللبنانيين مش لازم تنسينا بشاعة اللى عمله الواد ده ولازم نسأل نفسنا كنا هنعمل ايه لو كنا مكان اللبنانيين..هتقوللى الواد أجرم لكن عقابه مايكونش بالشكل ده خاصة ان ربنا أمرنا أن نحسن القتلة..هاقولك ان المجنى عليه بتحركه غريزة الانتقام مش العقل ثم إن الواد المصرى هو اللى جنى على نفسه..وكان هينتقم بنفس الوحشية -هو وقريته كلها..احنا كمان لسة عندنا قبلية- لو كان الموقف معكوس.
بصراحة يا سقراط..منطق التدوينة مش مقنع..بالنسبة لى على الأقل
بس برضه ماتتأخرش علينا
احمد بيه
فيما يخص اشكالية الالفاظ
ويصح ولا ما يصحش
ده موضوع كبير
لكن انا اوعدك اني هارد عليك فيه في التدوينة الجاية ان شاء الله
وقريب قوي
ثانيا يا سيدي
انت جبت معلومة انه اعترف دي منين؟؟؟
ارجوك اتأكد منها لان السلطات اللبنانية نفسها ما صرحتش بده
والتحقيق مازال مفتوح
وما حدش اثبت حاجة علي الراجل
ثالثا بقي
ماتقسمش ع الغيب
انت ما اطلعتش علي علم الغيب وعرفت ان لو ده حصل عندنا كان هايبقي نفس رد الفعل مننا
هاتلي واقعة واحدة حصل فيها اننا اعتدينا علي اي حد الاعتداء ده
عربي بقي ولا يهودي
وبجد الموضوع اعقد بكتييير قوي من كده
والايام هاتثبت لك ان دي مش مجرد واقعة عادية
بس انا عاوز اعرف حاجة بقي
انت شفتهم عملوا فيه ايه؟
ولا مجرد سمعت من الاخبار والجرايد؟
وزي ما قلت للدكتور شمسي
لو كل الناس اللي شافوا الواقعة دي حاسيين بالامان
يبقي انا اللي غلطان
حتي لو اعترف فده مش العقاب اللي المفروض يناله بصرف النظر الراجل مصري ولا اسرائيلي
الفكرة ان الاساءة مش للشخص اللي مات
الاساءة لنا احنا كمصريين
اتحدي لو ان واحد بس من اللي عملوا كدة او حتي اللي كانوا بيتفرجوا جه في باله ايه هيكون رد فعل المصريين لانهم واثقين ان مش هيبقي فيه رد فعل اصلا
فليه ميعملوش كدة واكتر كمان
طول ما السلبية هتفضل شعارنا
يبقي نستاهل اللي يجرالنا
وعلي فكرة انا متفرقش معايا انه مصري ولا لبناني ولا جزائري ولا حتي يهودي ولا ابن .... انا بتكلم علي انسان مات مهان وواثق انه ملوش حد ياخد حقة
ياخواننا سيدنا محمد بيتهان من كفرة ومسلمين
ومحدش بيعمل حاجة ..
انتوا بتتكلموا في ايه ؟؟
Post a Comment