- ازيك يا بسمة حمد الله ع السلامة
- الله يسلمك يا حمد ازيك انت
- كل ده دور برد بقي لك اسبوعين مابتحضريش
- اعمل ايه بقي صحتى على قدي
- الف سلامة عليكي .. ده الكلية كانت مضلمة من غيرك
- ربنا يخليك يا احمد ده من ذوقك
- لا بجد مش مجاملة .. الكلية ماكنش ليها طعم من غيرك
قطع
أول ما بتعرف انك بتحب
بتبقي هاتموت وتقول لحبيبك
بتبتدي تاخد بالك من كل تصرفاتك وتصرفاته
بتحاول تقوله بحبك فى كل نظرة وكل كلمة وكل حركة
وبتحاول تقراها فى عينيه وكلامه وحركاته وسكناته
بيوحشك من قبل ما يغيب عنك
وبتشوفه بقلبك قبل ماتشوفه بعنيك
اول ما بتعرف انك بتحب
بتحس انك خايف خوف جميل
خايف علي حبيبك حتى من نفسك
خايف ان الوقت اللى بيجمعكم يخلص
وخايف تعترف له بحبك اللى كل يوم بيكبر
بتحس انك خايف خوف جميل
خايف علي حبيبك حتى من نفسك
خايف ان الوقت اللى بيجمعكم يخلص
وخايف تعترف له بحبك اللى كل يوم بيكبر
اول ما بتعرف انك بتحب
بتشوف حبيبك فى كل كلمة حب
بتسمع صوته فى كل لحن رقيق
وتدوب لما تسمع أم كلثوم وهى بتقول
بتشوف حبيبك فى كل كلمة حب
بتسمع صوته فى كل لحن رقيق
وتدوب لما تسمع أم كلثوم وهى بتقول
هافضل احبك من غير ما اقولك
ايه اللى حيّر افكاري
لحد قلبك ما يوم يدلك
على هوايا المداري
ولما يرحمنى قلبك
ويبان لعيني هواك
وتنادى ع اللى انشغل بك
وروحي تسمع نداك
ارضي اشكي لك من نار حبي
وابقي احيكلك ع اللى فى قلبي
واقولك ع اللى سهرني
واقولك ع اللى بكانى
واقول يا قلبي ليه تخبي
وليه يا نفسي منعانى
14 اتكلموووووو:
التدوينة جميلة جدا وتاخد 10
وده مش معناه الكمال خلى بالك
وبجد مش لاقية كلام يتقال بعد الكلام الجميل اللى انت كاتبه
واختيارك للاغنية موفق جدا
والله انت اللى جميلة
ومنورة طبعا كالعادة
وانا واخد بالى من موضوع الكمال ده ماتقلقيش
والحمد لله ان الموضوع عاجبك
وعقبال الموضوع الجاى ان شاء
ويا رب مانتحرم من طلتك علينا
التدوينه اكتر من رائعه بس انا عندى سؤال نفسى الاقي له اجابه من زمان
ليه اللى احنا نحبهم يكونو مش بيحبونا او بيحبو غيرناويخنونا
واللى بنكرهم بلاش بنكرهم دى اللى مش بنحبهم يحبونا ويخلصوا لينا ليه لو عندك اجابه او حد عنده ياريت نعرف
وبجد التدوينه كلامها جميل جدا
يا عينى عالصبر.........ايه الكلام دة؟؟؟ حلو حلو حلو
كلام التدوينة رائع
واحب اقول لأدم...اول الخلق
إن ده حال الدنيا
ومش كل اللى بنتمناه بيتحقق
وزى ما بيقول عبد الوهاب
افكر فى اللى ناسينى..وانسى اللى فاكرنى
واهرب من اللى شارينى..وادور على اللى بايعنى
واكيد احنا مش هنقدر نتحكم
فى مشاعر اللى قدامنا ولا فى مشاعرنا
والقلب وما يريد
...ادم
نورت يا جميل
شكرا على ردك الاكتر من رائع
واعتقد ان اجابة سؤالك وصلتك
...انجي
انا متشكر جدا على رأيك الجميل
بس انا مش فاهم ايه حكاية الصبر دى
بجد نورتيني
Truth Eye
شكرا على مرورك الجميل
...نورتيني
التدوينة تتميز بجمال الاسلوب ورونقه وتعكس لنا بدايات موهبة يمكن للزمن ان يصقلها ليوجد لنا ابداع جديد
سقراط .. أكتر حاجة عجبتني في المدونة بتاعتك ،، صورة البروفايل .. أصلها لمست حاجة جوايا ..
تحياتي
بتعزف على الوتر الحساس سقراط
في زمن الناس واحشها الحب اللي بجد مش الطاير
تسلم على التوبيك الهايل دة
يسعد أوقاتك.....تعرف أنى مش عارفةأكتب أقول إيه ! بس هحاول... أولا بجد بجد تحفة ورائعة بكل ماتحمل الكلمة من معنى وأجمل مافيها إنى مصدقاها لإن سر نجاح أى تدوينة إنك تحسها وتصدقها وبجد إنت حققت الاتنين ... الكلام جميل وبيحمل معانى تاهت فى زمن الحب فيه بقى ع الطاير وكمان بحساب يعنى معدش فيه أم كلثوم ولا حليم ...بس أنا عندى استفسار بصرف النظر عن كلمات الأغنية اللى بتاخد العقل وبصرف النظر عن كلامك اللى بجد فوق الوصف ....لو كل كلامك دا حقيقى والاحساس اللى جواك بيقولك أن الشخص اللى بتحبه هو كمان هيموت عليك والدليل بس مجرد نظرات ..إحساس ..كلمات مش عارف إنت المقصود بيها ولا مجرد صدفة..حركات..تصرفات غريبة.. بس بدون تصريح واضح بمعنى أدق (حب صامت) تعمل إيه لو بعد كل ده تطلع موهوم وكل ده كان صدفة بس مجرد صدفة!!! وكل المعايير اللى بتؤمن بيها انهارت أمام حقيقة إنك فى عالم لوحدك.....؟! مرة تانية أنا بجد سعيدة إنى ضيفة ع مدونتك بس يارب أكون ضيفة خفيفة
التدوينة جميله قوى و اسلوبك ما يزهقش :)
Post a Comment