Sunday, February 1, 2009

سر الحياة




لم أعتد التفكير من قبل في الحياة، بل ولم أتعمق لأتساءل ما هو سر هذه الحياة؟
ولم أسأل نفسي آنفا هل لابد من سر قامت عليه هذه الحياة؟
وهل لابد للحياة في هذه الحياة أن ندرك ما هو هذا السر؟
وان كان بالفعل للحياة من سر، فهل له ما لكل الأسرار من صفة الخفاء؟
ولكن صفة الخفاء لا تتجلي فى الأسرار إلا بعد انكشافها وبزوغ شمسها، وعلى هذا فالناس دوما تعيش على افتراض وجود سر للحياة ، ذلك السر الذي لن يعرفه إلا من تجلت له صفة الخفاء تلك التى لا تتجلي إلا بعد انكشاف هذا السر وبزوغ شمسه...
ولكن .. هل هذا السر قد انكشف حقا بمجرد معرفة الإنسان له ؟ أم أن جلاء صفة الخفاء هى التى آذنت بانكشافه؟

لم تكن لى سوابق فى التفكير فى هذا الأمر وقد يكون السبب فى ذلك هو أنى لم أكن قد عرفت بعد ما هو سر الحياة، والآن بعد أن عرفته لا أدري إن كان سرا أم أن معرفتي به وجلاء صفة الخفاء عنه قد سلبته كونه سرا؟
ولا ادري هل سُلبت كينونته تلك إطلاقا أم فى نظري وحدي؟
وان كانت قد سُلبت لى وحدى، فهل تُسلب فى نظر كل من أبوح له بهذا السر؟
وان بحت به للناس جميعا، فلا يبقي للحياة من سر؟!!!
ولكن .. من أدرانى أن للحياة سرًا وحيد؟
ومن أدرانى أنه فقط ذلك السر الذي تكشفت صفة خفائه لى وحدي؟
وخلصت من كل ذلك أن للحياة سر وحيد، يتلون بانتقاله من إنسان لأخر مشكلا العديد والعديد من الأسرار التي لا يكفي معرفة إنسان وحيد لأحد ألوانها أن تتجلي له صفة الخفاء المطلقة لسر الحياة...

16 اتكلموووووو:

سندريلا said...

التدوينة جميلة
ممكن تكون جميلة من غموضها!! مش عارفة
ولنفس السبب مش عارفة اديها درجة زى ما اتعودت
هقولك اللى انا فهمته
انك اتوصلت فى النهاية- بعد بحث
هل للحياه سر؟؟وان كان ليها سر..هل هو سر وحيد؟؟ام عدة اسرار؟؟- ان للحياه سر وحيد بس يختلف من واحد للتانى من خلال نظرته للحياه نفسها

وانت بتقول انك عرفت سر الحياه..ايه هو يا ترى؟؟؟؟؟؟؟

سقراط said...

...سندريلا
منورة زى العادة
السر اللى انا عرفته
مش هاينفع اقوله
لان زى ما قلتي
كل واحد بيشوفه بنظرته
وعلي فكرة التدوينة مش جميلة
ده انت اللى جميلة
وعلشان كده شايفاها جميلة
انا متشكر قوي على مرورك الجميل وكلامك الاجمل

انت تسال والكمبيوتر يجيب said...
This comment has been removed by a blog administrator.
ادم المصري said...

اذن
فافرح كثيرا
وامشي مختالا فخورا
وقل
ها انا ذا
ابلغ الجبال طولا
امتلكت مطمع الناس
منذ الخلق
حتي ادم الذي بات مسكينا خجولا
.
.
اول مرة ازور مدونتك علي فكرة
ومش هتكون اخر مرة

قهوة بالفانيليا - شيماء علي said...

:)
ماشي
السر بقى اللي بجد في الحياة
هو ان تضيف شيئا إليها
في ناس قيمتهم في الحياة بتساوي الصفر
لأنهم لا يضيفون اليها اي شيء
كل ما الهدف كان كبير و ثقتك بنفسك كبيرة .. كل ما خطوتك ناحية الهدف وسعت
:)
تحية يا سقراط

سقراط said...

شيماء
اولا نورتي المدونة
ثانيا
مهم قوي السر اللى انت قلتيه
مع انى شايف ان ناس كتير مش مؤمنين بيه او مش شايفينه
وفى نفس الوقت انا مختلف معاكى فى فكرة انه هدف
وشايف انه دور
لازم كل واحد فينا يأديه
كل واحد له دوره فى الحياة
ودوره ده مش انه يعيش الحياة
دوره انه يحافظ على استمرار الحياة
بانه يضيف ليها
زى ما خد منها
وانه يعطي لكل اللى هايجي بعده
زى ما خد من كل اللى سبقوه
انا بشكرك مرة تانية ع الاضافة الجميلة دى
وبجد نورتيني

سقراط said...

ادم المصري
نورت المدونة
وان شاء الله هاستناك تانى

ط said...

سقراط
تفتكر السر
اللي انت كشفته
مش هيتغير
مع الزمن
..
معاك في عدم الافصاح
لأنك لو كشفته
مش هيبقى سر !
ط

سقراط said...

طــرّوق
ايه النور ده كله
انا معاك فى انه اكيد هايتغير مع الزمن
لكن مش بشكل جوهري
مجرد تغيرات شكلية
يعني شكل سر الحياة النهاردة اكيد مختلف عن 100 سنة فاتو
لكن الشفرة نفسها اللى بتمثل السر
ثابتة ومابتتغيرش
..
..
..
نورت يا طرّوق

بـسـمـــة صـــــلاح said...

السلام عليكم
مش عارفه انا شايفه غموض في التدوينه
بس سر الحياة من ناحية ايه
انا اعرف طول عمري ان ربنا خلقنا عشان نعبده ياترى في سر يعني مثلا زي ايه
معلش غباء بقى بس عايزة اوصل لفكرة حضرتك
اول زيارة ومش الأخيرة ان شاء الله
~~~~~~~~~~~~~
دمت بكل ود
تحيــــــــــــاتي(:

بـسـمـــة صـــــلاح said...

اه صح يعني ايه(سقراط.. لو ممكن يعني

سقراط said...

بسمة
اولا نورتي
ثانيا ده مش غباء ولا حاجة
انا متفق معاكى تماما فى ان التدوينة غامضة
بس ده لان الفكرة اللى بتتكلم عنها التدوينة اصلا غامضة
وانا هاوضح لك قصدي ايه
لما اقول ايه السر فى السيارة مثلا
مش هاينفع اجاوب على السؤال ده واقول ان السر انها بتنقلنا من مكان لمكان
لكن ممكن اقول ان السر فيها هو البنزين اللى بيتسبب فى حركتها
وبالمثل ربنا خلقنا علشان نعبده
دى الحكمة من انه خلقنا وخلق الحياة
لكن انا لما سألت ايه السر فى الحياة كنت اقصد حاجة تانية
اكيد كلنا بتمر علينا لحظات صعبة
فينا اللى بيقدر يتخطاها وفينا اللى مابيقدرش
وساعات بنلاقي ناس فى ظروف صعبة جدا
ومع ذلك بيقدروا يعيشوا الحياة عادى جدا
وفى المقابل ناس بيكونو فى حالة كويسة جدا
لكن بيستسلموا مع اول عقبة
ممكن لا قدر الله حد يعمل حادثة
وتتسبب فى انه يبقي قعيد
وده ممكن يجيب له اكتئاب يوصله للموت
وفى نفس الموقف ممكن حد تانى يكمل حياته
فأكيد فى سر فى كده
فى سر الاول ماكانش عارفه فمات
والتانى كان عارفه فقدر يكمل حياته
ده اللى قصدته بان فى سر للحياة
انا عارف ان الفكرة فلسفية قوي
علشان كده كانت على قدر من الغموض
قدر من الغموض بيتناسب مع تعقيدها
فى حد ممكن يفهم المعنى ده من اول مرة يقرأ فيها التدوينة
وحد تانى من تانى مرة
وحد تالت مايفهمهاش خالص
ودى مش مشكلة
:::::::::::::::::::::::::
رابعا بقي ودى مهمة جدا
بلاش موضوع حضرتك ده
اما بالنسبة لسؤالك الاخير
"يعني ايه سقراط"
فى تدوينة فى الاول خالص بعنوان
"دى مش نوتة دى مزيكا"
اعتقد انها ممكن تكون اجابة السؤال ده
::::::::::::::::::::::::::
واخيرا
بجد نورتيني
وهاكون سعيد جدا بوجودك فى اى وقت
تحياتي

بـسـمـــة صـــــلاح said...

السلام عليكم
شكرا انك وضحتلي الفكرة
طيب اقولك ايه بدال حضرتك اقول سقراط يعني
انا هبقى اشوف التدوينه وانا افهم بس انا سألت ماما قالتلي دا اسم عالم
ياريت تبقى تشرفني
دمت بكل
تحيــــاتي(:

بـسـمـــة صـــــلاح said...

قرات البوست اللي قلتلي عليه وعجبتني اوي انك بدات المدونه بسورة الفاتحه بدايه كلها خير وبركه
وعلى العموم انا بقى هبقى اقرا عن سقراط دا ان شاء الله عشان افهم اوي من هما السفسطائيين اللي باين انهم اعدائه
مودتي(:

سندريلا said...

ايه يا سقراط..فين تدويناتك الجديدة؟؟؟
ما ينفعش كدة..ممكن كدة تزهق منك قرائك.. كل ما يدخلوا ما يلاقوش غير اخر تدوينة"سر الحياة"بقالها كتير اوى
ايه الكسل ده
وكمان فين التجديدات اللى الادارة وعدتنا بيها؟؟؟
لالالالا..كدة ما ينفعش هطفشنا وهنيأس منك
الهمة امال يا سقراط

سكوت هنصوت said...
This comment has been removed by a blog administrator.